مركاز عصام بيتكم التاني عالنت

 لا تدق صدرك!

تعرف اللي يعشمك لين تصدّق، وبعدين يختفي كأنه بخار الشاهي؟
ذاك النوع اللي يتكلم بثقة، كأنه ماسك مفاتيح الدنيا،
ويقلك: خلاص عليّا، اعتبر الموضوع منتهِي!
وفي النهاية تكتشف إنه من جنب القدّة  😂

ترى … مو كل من قال "بسوي" يعني يقدر،
ولا كل من وعد، نوى فعلاً يوفي.
بعض الناس ما يدروا إن الوعود مسؤولية،
يتكلموا عشان يبينوا إنهم  مهمين وواصلين ،
لكن لما يجي وقت الجد… يسيبوك واقف تنتظر على سطح الأمل!

الهرجة يا حبايب:
قبل لا تدق صدرك، شوف تقدر فعلاً ولا بس تبغى التصفيق؟
ترى الثقة الزايدة في الكلام، لو ما وراها فعل،
تصير ضحكة للناس… وسقوط في عيونهم قبل لا تكون فاشوش في الواقع

من الآخر ... ماتقدر ( أنكتم ) 

تعديل المقال