التمثيل الجماعي
رمضان هو الشهر الوحيد
اللي المجتمع كله يقرر فجأة
إنه يصير نسخة مهذبة من نفسه
ما في تعميم رسمي
لكن في اتفاق غير مكتوب
هدّوا اللعب
المدخن ما يختفي
هو بس منضبط من الفجر للمغرب
وبعد الأذان يرجع يتذكر هويته القديمة
العصبي يصير حكيم
المقاطع لأهله يرجع يسأل
واللي كان طول السنة يقول ما عندي
فجأة يصير كريم
الغريب
إن الكل يقدر
يعني المشكلة ما كانت في القدرة
كانت في الاستمرارية
رمضان يكشف حقيقة بسيطة لكن ثقيلة
إحنا نعرف نسيطر على أنفسنا
بس نختار نسيطر مؤقتا
ليش؟
لأن الجو العام يساعد
الكل صايم
الكل هادي
الكل يحاول يكون أفضل
رمضان يعمل شي ذكي
يصنع بيئة عامة تضغط علينا بشكل إيجابي
نهدأ لأن الناس هادئة
نضبط أعصابنا لأن اللي حولينا ضابطين
نحاول نكون أحسن لأن الجو كله كدا
طيب السؤال اللي يزعج شوية
هل إحنا فعلا نتغير
ولا بس نتأقلم مع الموسم؟
رمضان يثبت إن عندنا القدرة
لكن بعد العيد
نرجع للنسخة الافتراضية
مو لأننا سيئين
لكن لأننا نرتاح للعادة
السؤال المركازي هنا
لو صنعنا بيئة واعية طول السنة
هل كنا نحتاج موسم نتذكر فيه أنفسنا؟
ولا إحنا نحب النسخة المؤقتة
عشان مانتحمل مسؤولية النسخة الدائمة؟
"كل المقصود هنا سلوكنا لا قدسية الشهر"
عصام كوشك
الثلاثاء 7 رمضان 1447هـ
%20(1).jpg)
لو عجبك الموضوع شاركه مع أصدقائك عبر الواتساب
شارك عبر الواتساب
❤️المركاز ما هو موقع وبس… المركاز أنتم أهله وزواره.
اكتب لنا كلمة نعتز بها وشاهدة على مرورك العطر