أول العنقود
دايما…
الكل يحب آخر العنقود.
الطفل المدلل…
اللي له دلال خاص…
واللي الكل يحن عليه…
ويمكن حتى
تنغفر له أشياء
ما تنغفر لغيره.
لكن…
ولا أحد يتكلم
عن أول العنقود.
هداك اللي جا
في وقت التجربة…
في وقت
الأب والأم
لسه يتعلموا.
أول واحد…
كان حقل تجارب.
مو لأنهم يقصدوا…
لكن لأنه
ما كان فيه قبله أحد.
أول قوانين
تتطبق عليه.
أول أخطاء
تتصحح فيه.
أول خوف
ينعكس عليه.
وأول تشدد
يتجرّب عليه.
انقال له
"إنت الكبير"
قبل ما يعرف
يعني إيش كبير.
وانطلب منه يكون قدوة…
وهو لسه
يتعلم يكون نفسه.
أول العنقود…
غالبا
يكبر بدري.
يتحمل أكثر…
يسكت أكثر…
ويفهم بدون ما ينقال له.
مو لأنه أقوى…
لكن لأنه
اتعوّد يكون كدا.
شال مسؤولية
مو على عمره…
وتعامل مع مواقف
ما كان مستعد لها.
انحسب عليه الغلط…
وانتظروا منه الصح.
مو لأنه مختلف…
لكن لأنه
جاء أول.
آخر العنقود
ينحَب بطريقة…
وأول العنقود
ينبني بطريقة.
واحد يُدلَّل…
والثاني
يتشكّل.
ويمكن الاثنين مهمين…
لكن واحد
ينشاف أكثر.
وأول العنقود…
نادرا ما يشتكي.
مو لأنه مرتاح…
لكن لأنه
متعود يتحمل.
ويمكن لو سألته
"تعبت؟"
يقول:
"عادي"
وهو
مو عادي.
بس لأنه
تعود يكون ثابت…
حتى لو داخله
مو ثابت.
ومع كل هذا…
غالبا
يطلع أقوى.
أوعى…
أفهم…
وأهدأ.
مو لأنه ما تأثر…
لكن لأنه
مر بكل شيء بدري.
وأحيانا…
أول العنقود
ما يحتاج مدح…
يحتاج
إنك تشوفه.
لا نهضم حق أول العنقود
هو الخير والبركة
عصام كوشك
الخميس 16 ابريل 2026
%20(1).jpg)
لو عجبك الموضوع شاركه مع أصدقائك عبر الواتساب
شارك عبر الواتساب
❤️المركاز ما هو موقع وبس… المركاز أنتم أهله وزواره.
اكتب لنا كلمة نعتز بها وشاهدة على مرورك العطر