مركاز عصام بيتكم التاني عالنت

 دين المواقف

في ديون تنكتب وتنحسب وتتسدد وتنتهي
وفي ديون ما تنكتب… لكنها ما تنتهي

دين المواقف

هذا الدين ما له رقم
ولا له ورق
ولا له موعد سداد

يجيك فجأة…
في لحظة ضيقة
في وقت ما ينفع فيه الكلام

وقت كنت محتاج  أحد…
مو يسمعك… لكن يوقف معاك

وقت كنت فيه مكسور من جواك…
وفي واحد حس بيك… بدون ما تشرح

وقت الدنيا قفلت أبوابها…
وفي باب انفتح لك… من شخص

هادي ما تنقاس
ولا تنوصف
ولا تتسدد

هادي تنحفر

تنحفر في الذاكرة
وفي القلب
وفي الشعور اللي يرجع لك كل ما تذكرت

في ناس…
مواقفهم مو عادية

مواقف كبيرة
رجولة حقيقية
شهامة ما تنقال… تنشاف

ناس وقفوا معاك…
مو لأنهم مجبورين
ولا لأنهم ينتظروا منك شي

وقفوا… لأنهم كدا
هذا طبعهم
هذا معدنهم

ما سألوا إيش ليا مقابل؟
ولا فكروا إيش ياخدوا؟
بس كانوا موجودين… وقت اللزوم

وفي لحظات…
وجودهم كان فرق بين إنك تقوم… أو تطيح

فرق بين إنك تكمل… أو توقف

هادي مواقف بعضها مايتسدد
حتى لو حاولت

لأنك ما تقدر تعيش نفس اللحظة
ولا تعوّض نفس الإحساس

تمر السنين…
وتنسى أشياء كثيرة

لكن هادي… لا

تجيك فجأة
في دعوة
في ذكرى
في موقف يشبهها

وترجع تقول في نفسك
الله لا يحرمني منووو

الرجولة مو لقب
ولا كلام ينقال في المجالس

الرجولة…
إنك تكون سند
وقت الكل يتراجع

والشهامة…
إنك تمد يدك
وقت غيرك يسحبها

🎯 مع شاهي العصرية
في ناس…
دينهم عليك ما يتسدد

دين…
ينحفظ
ويترد بالدعاء… والوفاء… طول العمر

عصام كوشك 

الخميس 23 ابريل 2026

لو عجبك الموضوع شاركه مع أصدقائك عبر الواتساب

شارك عبر الواتساب

تعديل المقال