قبل ما تقول بكم
كان ياما كان
قبل لا يكون في فلوس ولا عملات ولا حتى فكرة سعر
كان الناس يتعاملوا بطريقة بسيطة اسمها المقايضة
تعطيني شي وأعطيك شي
قمح مقابل تمر
قماش مقابل غنم
كل شي يمشي بهذا الأسلوب
لكن مع الوقت
بدأت المشكلة تظهر
مو كل واحد يحتاج اللي عند الثاني
ومو كل تبادل يكون سهل
تخيل تبغى تشتري عيش ( خبز )
وصاحب العيش ما يحتاج اللي عندك
هنا تتعطل العملية كلها
ومن هنا بدأت الحاجة لشي له قيمة ثابتة
شي الكل يتفق عليه
في بلاد الرافدين
وهيا المنطقة الواقعة بين نهري دجلة والفرات في العراق الحالي
بدأ الناس يستخدموا الفضة كقيمة
مو عملة جاهزة
لكن وزن معين من الفضة يقابل سلع محددة
صار عندهم معيار يقيسوا فيه القيمة بدل ما يقيسوها بالحاجة
وبعدها بقرون
في ليديا
وهيا مملكة قديمة في غرب تركيا الحالية
حوالي القرن السابع قبل الميلاد
ظهرت أول عملات معدنية حقيقية
قطع صغيرة مضروبة بختم رسمي
مصنوعة من خليط الذهب والفضة
تعطيك قيمة جاهزة بدون وزن أو تفاوض
ومن هنا
بدأت الفلوس بشكلها المعروف
صار كل شي له سعر
وصار التبادل أسهل
وصار الاقتصاد ممكن يكبر
لكن في نفس الوقت
بدأ يظهر الفرق بين الناس
بين اللي يملك واللي ما يملك
🎯 كان ياما كان
المال بدأ عشان يسهّل الحياة
وبعدها صار يغيّرها
عصام كوشك
الثلاثاء 28 ابريل 2026
%20(1).jpg)
لو عجبك الموضوع شاركه مع أصدقائك عبر الواتساب
شارك عبر الواتساب
❤️المركاز ما هو موقع وبس… المركاز أنتم أهله وزواره.
اكتب لنا كلمة نعتز بها وشاهدة على مرورك العطر